Deporte, música e solidariedade!

Onte, vivimos unha xornada que quedará gravada no noso recordo, demostrando que a solidariedade é unha das nosas maiores fortalezas.

A celebración da "carreira solidaria" a favor de Save The Children e o  "concerto solidario" fixo que a música e o deporte se unisen por unha mesma causa.

A carreira reuniu a alumnado, profesorado e familias nun ambiente de ilusión e participación. Cada paso dado convertiuse nun pequeno gran xesto de apoio a nenos e nenas en situación de vulnerabilidade.

          (ALUMNADO VOLUNTARIO DE 6º DE PRIMARIA PRESENTANDO A CARREIRA)

A tarde completouse cun magnífico concerto solidario, no que participaron, de maneira totalmente altruista, os grupos Liorta, Son das Tabernas, La casa de los ingleses e Brutal.

 Grazas á súa xenerosidade, ao seu talento e á súa entrega, poidemos gozar dunha tarde inesquecible na que a música servíu  tamén para educar na empatía e solidariedade.

   (ALUMNADO VOLUNTARIO DE 6º DE PRIMARIA PRESENTANDO O CONCERTO)

   Momentos do concerto:

             (Posto de Bar, atendido polo Voluntariado de 6º de primaria e mestres e mestras.)

  
                            (Despedida e agradecementos da directora do centro)

 Reiteramos o noso máis sincero agradecemento a todas as persoas que colaboraron: músicos, alumnado, familias, profesorado, persoal do centro, ANPA e CIFP Carlos Oroza. Sen a participación de todos e todas, iniciativas como esta non serían posibles.

GRAZAS POR FACER DA SOLIDARIEDADE UNHA FESTA!!!