Obradoiros nos recreos

 Unha vez máis o alumnado, voluntariado da biblioteca, de 6º de primaria realizaron un obradoio para os máis pequenos sobre papiroflexia e debuxo de flores e bolboretas con pintura de dedos.

                             

GRAZAS POR COMPARTIR!!

Actividade colaborativa "Robots máxicos"

 O alumnado de 4º de primaria explicáronlle ao alumnado de Infantil os polígonos, no patio do colexio, a través duns "robots máxicos " realizados por eles.

UN TRABALLO FANTÁSTICO!!

Da casa a Horta

O pasado xoves, 21 de maio, a avoa de Miguel (6º de Infantil) achegouse ata o colexio para realizar unha actividade co alumnado de infantil.

Primeiro, na clase, faloulles aos nenos e nenas da impoortancia de manter alonxados os pulgóns da horta, para que as plantas crezan sans. Ensinoulles trucos, como plantar caléndulas preto e outros consellos naturais, sen utilizar pesticidas.

Despois, na horta, plantou cos nenos e nenas. tomates, pementos, amorodos e caléndulas. Un día fantástico.

                   

GRAZAS PILI, POR UN DÍA TAN FERMOSO!!!

DÍA DAS ABELLAS (20 de maio)

O 20 de maio celébrase o Día Mundial das abellas, proclamado polas nacións Unidas para concienciar sobre a importancia das abellas para os  ecosistemas, a biodiversidade e a producción de alimentos.

Os nenos e nenas de 5º de infantil quixeron lembrarnos a labor destes pequenos insectos que realizan un traballo tan importante para a natureza. Así como a importancia de coidar as abellas e protexer os seus habitats para construir un futuro máis sostible e respectuoso co medio ambiente.

COIDAR A NATUREZA E COUSA DE TODOS E TODAS!!

Saída á praia das Sinas

O alumnado de 3º e  4º de primaria achegáronse ata Cambados para observar o traballo que desenvolven as mariscadoras na ría. Un traballo que realizan maioritariamente mulleres, traballo que é de vital importancia para o mantemento dos bancos marisqueiros. 

Despois achegáronse ata as Sinas para gozar dun día de praia fantástico!

UNHA XORNADA PARA LEMBRAR !

"Sei contar, sei cantar (4)

 Ao longo desta semana tivemos máis actividades, na biblioteca, por parte das familias.

Coa nai de Luca, de 4º de primaria, a través do conto "Victoria y la primera vuelta al mundo" fixemos un percorrido polas diferntes músicas do mundo.

Este venres, coa nai de Blanca, 3º de primaria , a través de pistas musicales os nenos e nenas tiveron que descubrir un código para abrir o candado da caixa onde se atopaba oculta unha partitura musical e uns diplomas que lle entregou a todos e todas .

MOITÍSIMAS GRAZAS POLO TRABALLO TAN FANTÁSTICO.

Acompañamentos lectores 3

 Este xoves, voltamos cos acompañamentos lectores. Ollade que maravilla!

LER É UN PLACER!!!

Visita a PontevedraViva e á Residencia da 3ª idade

 Os nenos e nenas de 6º de primaria achegáronse ata PontevedraViva para realizar uns podcast sobre Begoña Caamaño, autora homenaxeada no Día das Letras Galegas.

Despois fixeron unha visita á Residencia da Terceira Idade de Campolongo, alí cantaron e bailaron dúas cantigas do repertorio popular aos residentes .

Unha experiencia interxeracional que favorece a convivencia e a empatía entre persoas de diferentes idades e  onde  os residentes gozaron da alegría e da enerxía dos nenos e nenas.

Un día cheo de aprendizaxes, cariño e momentos para lembrar.

LETRAS GALEGAS 2026

 Comenzamos coa Semana das Letras Galegas. Este ano adicada á escritora Begoña Caamaño.

Ao longo desta semana as titorías traballamos arredor da homenaxeada: Fixemos un rodicio e traballámolo nas aulas, un mural colaborativo, traballos na radio, lecturas... 

                 

E , como non , escoitamos a canción que lle adica Uxía e Malvela "Begoñísima"

MIL PRIMAVERAS MÁIS PARA AS NOSAS LETRAS!!