O curso está a chegar ao seu fin e a biblioteca pecha as súas portas ata o vindeiro curso. Nesta semana permanecerá só aberta para o préstamo de verán e para ensaios de teatro, xa que a próxima semana celebramos a "Semana do teatro" onde abriremos a biblioteca a todas as familias.
Como actividade final para o alumnado, gozamos dun concerto protagonizado polo alumnado do centro. as súas interpretacións encheron o espazo de música, ilusión e talento, convertendo a biblioteca nun lugar de encontro e celebración.
Ao longo do curso, a biblioteca foi escenario de leturas, investigacións, contacontos, obradoiros, clubs de lectura e moitas outras actividades que nos permitiron descubrir historias, facer preguntas e aprender xuntos. Este concerto foi unha fermosa maneira de poñer punto e final.
Moitísimas grazas por agasallarnos con este fermoso concerto!!
