Club de Lectura de Adultos

   CURSO 2025/26

INICIO

Este venres, 26 de setembro, xuntámonos para falar das lecturas que lemos  no verán: "Sostiene Pereira" de Antonio Tabucchi e "Suite francesa" de Irene Nemirovsky.

                                       

Dúas novelas que reflexionan sobre a responsabilidade individual en tempos escuros. Dúas lecturas que recomendamos.

    Unha tarde fantástica de reencontro e ideas compartidas!!!

A proxima lectura, para principios de novembro será "Os vellos non deben de namorarse"  de Castelao.

1ª XUNTANZA

O venres ,14 de novembro, xuntámonos para falar arredor do libro de Castelao, unha obra de teatro das máis populares do teatro galego que ademais poidemos desfrutar, o anterior sábado 8 de novembro, no Teatro Principal grazas a Asociación "Os de Algures". Unha actividade enmarcada dentro da celebración do "Ano Castelao" programada polo Concello de Pontevedra. 

Gozamos moitísimo tanto da obra de teatro coma da lectura do libro. 

Desde aquí recomendamos a lectura e relectura de Castelao, porque en cada palabra de Castelao agroma un anaco de Galicia. 

 GRANDE CASTELAO!!!!!   

2ª XUNTANZA

Este venres,16 de xaneiro, fixemos a xuntanza do Club de Lectura , nela compartimos impresións arredor de Hamnet, a novela de MaggieO´farrell, da que podemos dicir sen dubidar que foi unha lectura que nos gustou moito.

A partir dun feito real- a morte do fillo de WilliamShakespeare- a autora constrúe unha historia fonda, delicada e chea de emoción.

Hamnet non só é unha novela histórica, senón un relato íntimo sobre a perda, o amor e a dor, contado cunha linguaxe fermosa e chea de lirismo.

Durante a conversa destacou especialmente a forza dos personaxes , en particular, o de Agnes. Tamén nos impresionou a maneira na que O´farrell describe o dó, sen caer en sentimentalismos, facendo que o lector acompañe aos personaxes e empatice en todo momento.

Falamos tamén do ritmo pausado da narración, que invita a ler con calma, a saborear as palabras e a deixarse levar pola atmosfera da historia.

Unha xuntanza moi rica en reflexións e emocións compartidas.

Despois da xuntanza, asistimos ao cine a ver a versión cinematográfica, dirixida por Chloé Zao, da novela con posterior coloquio onde compartimos impresións e comentamos as semmellanzas e diferncias entre o libro e a súa adaptación ao cine.

Voltaremos a xuntarnos o 9 de marzo para falar do libro "Comerás flores" de Lucía Solla Sobral.

3ª XUNTANZA

Este luns, celebramos unha nova xuntanza do Club de Lectura arredor do libro "Comerás flores", da autora galega Lucía Solla Sobral.

 Durante o encontro compartimos impresións sobre a historia, os personaxes e os temas que aparecen na novela (as relacións tóxicas, a perda, os trastornos de conducta alimentaria, o maltrato...).  Falamos tamén do estilo da autora e da maneira na que consegue transmitir sentimentos e facer que o lector se identifique con algúns momentos da historia.

Acompañamos a lectura cuns deliciosos postres que fixeron a sesión aínda máis agradable. Unha combinación perfecta: literatura, boa conversa, boa compañía e algo doce para compartir. Un placer, coma sempre!!!

           

Asistimos á presentación do libro de Lucía Solla, en Marín. Unha charla guiada por Arantza Portabales que nos permitiu coñecer de primeira man o traballo desta autora e da que gozamos moito .

A próxima lectura será: "A memoria do silencio"con Eva Mejuto, autora do libro.

4º XUNTANZA

Este venres, 17 de abril, tivemos unha xuntanza moi especial no noso Club de lectura arredor do libro "Memoria do silencio". Unha novela a tres voces que explora, entre ficción e realidade, un capítulo pouco coñecido do noso pasado recente: Galicia durante a II Guerra Mundial.

 

 Queremos destacar e agradecer fondamente a presenza de Eva Mejuto, autora da novela, que tivo a xenerosidade de achegarse ata nós para compartir a súa experiencia e falar do proceso de creación da obra. As súas palabras axudáronnos a comprender mellor a historia, os personaxes e as intencións que hai detrás do libro. Un verdadeiro luxo!

Moitísimas grazas, Eva, por acompañarnos e por regalarnos este encontro tan fantástico e enriquecedor. Un pracer!!

 Próxima lectura: "El baile de las locas". Victoria Mas.Salamandra.

 Data prevista: 5 de xuño.

ROTEIRO DA MEMORIA DO SILENCIO

Hoxe, 25 de abril, vivimos unha xornada moi especial en Ribadavia co noso Club de Lectura "Seguindo as pegadas das irmás Touza".

Percorremos as rúas desta vila chea de historia, afondando na memoria destas tres irmás, exemplo de valentía e solidariedade.  Durante o roteiro coñecimos de preto os lugares máis significativos (a estación, a casa do concello, a súa casa...a xudería) e poidemos comprender mellor o contexto no que desenvolveron a súa incrible labor.

Unha xornada moi enriquecedora, na que non só aprendemos historia, senón tamén valores como a empatía, o compromiso e a importancia de axudar aos demais.

      

  

Seguimos camiñando xuntas entre libros e historias que deixan pegada.

5ª Xuntanza 

Hoxe, xoves 4 de xuño, celebramos a última xuntanza do Club cun picnic literario onde falamos da última lectura "El baile de las locas", ambientada no Paris de finais do século XIX, a autora parte dun feito real para denunciar como moitas mulleres eran encerradas por comportamentos considerados inapropiados ou rebeldes para a época, á vez que fai unha crítica sobre a sociedade e o machismo imperante.

 Unha historia sobre a libertade, a dignidade e a necesidade de cuestionar os límites que unha sociedade impón aos que considera diferentes.

Durante a nosa conversa destacamos a capacidade da novela para provocar reflexións sobre cuestións que seguen sendo actuais: o pael das mulleres na sociedade, os límites entre a normalidade e a difernza, o tratamento da saúde mental e os mecanismos de exclusión que aínda existe hoxe

 Unha lectura coa que gozamos moito e que recomendamos.

                                                

Moitísimazs grazas a todas por formar parte do club, cada encontro foi máis que falar duha lectura, foi un espazo para compartir ideas, emocións, recordos, risas e experiencias.

 Grazas pola participación, pola vosa xenerosidade e polas conversas que enriquecen cada sesión.

Voltaremos a xuntarnos á volta do verán arredor de dúas lecturas: "Mulleres que viven xuntas". Abril Camino. Xerais e "Lo inesperado". Pedro Simón. Espasa.

Deséxovos un verán cheo de descanso, de felicidade e, por suposto, de boas lecturas.

Playlist 2026/27 

                              LER É UN PLACER!!!

CURSO 2024/25

 Este curso escolar 2024-25 iniciamos o Club de Lectura de Adultos !        

 Un club que agardamos sexa "de cine". Grazas por animarvos a esta nova iniciativa. 

Boas lecturas!

1º LECTURA

Hoxe,26 de novembro, xuntámonos na biblioteca para falar do libro "A trenza " de Laetitia Colombani. A novela entrelaza a historia de tres mulleres, en diferentes partes do mundo, que  loitan por cambiar os seus destinos. Unha historia que fala de resiliencia, dignidade, liberdade  ...Unha lectura que a todas nos gustou moito. 

A versión cinematográfica, estreada en agosto de 2023, xa está dispoñible nas plataformas Movistar Plus ou Prime Video.

                  Grazas por asistir, unha xuntanza moi enriquecedora!!!

      2ª LECTURA                                     

Por fin , despois de ter que pospoñer  a data prevista para  esta nova xuntanza, este martes- día 11 de febreiro- reunímonos na biblioteca para falar da novela epistolar, escrita  pola autora norteamericana  Mery Ann Shaffer e rematada pola súa sobriña Annie Barrows

"A SOCIEDADE LITERARIA E DO PASTEL DE PATACA DE GUERNSEY". 

Un libro  que entrelaza feitos históricos con ficción para mostrarnos como os libros poden unir ás persoas en tempos difíciles e oscuros.

Unha lectura da que todas gozamos moito e que vos recomendamos!
A versión cinematográfica estreada en 2018 pódese ver nas plataformas FILMIN ou Amazon Prime.

 Ademais , os "Reis Magos"  agasalláronnos unha nova lectura "Charlotte" que leremos neste trimestre para un vindeiro encontro coa autora, Consuelo Vercher.

        

     3ª LECTURA      

    

Hoxe "Día da poesía", reunímonos para falar do libro "El olvido que seremos ", un libro que toma o título dun soneto de J.L. Borges, poema que limos como inicio á xuntanza:

                                   

  Aquí. Hoy

Ya somos el olvido que seremos.

El polvo elemental que nos ignora

y que fue el rojo Adán y que es ahora

todos los hombres, y que no veremos.

Ya somos en la tumba las dos fechas

del principio y el término. La caja,

la obscena corrupción y la mortaja,

los triunfos de la muerte, y las endechas.

No soy el insensato que se aferra

                                                al mágico sonido de su nombre.

                                            Pienso con esperanza en aquel hombre

que no sabrá que fui sobre la tierra.

Bajo el indiferente azul del cielo,

esta meditación es un consuelo.

"El olvido que seremos" publicouse no 2006, é unha obra autobiográfica onde Hétor Abad Faciolince describe con moita tenrura e admiración a súa relación co seu pai, a influencia deste como intelectual e humanista e o impacto devastador do seu asasinato. Adaptada ao cine no 2020 polo director Fernando Trueba.

Un libro que nos fala da familia, a violencia, a memoria e adignidade humana. Unha lectura que nos emocionou e que recomendamos .

Aproveitamos para celebrar o "Día da poesía" co visionado duns fragmentos da película "El tigre y la nieve".

4ª LECTURA

A próxima xuntanza será arredor do libro "Charlotte" de Consuelo Vercher, editado por Kalandraka.

Onte, 25 de abril, tivemos o luxo e o pracer de ter con nós a Consuelo Vercher.

 Con ela poidemos falar da ORIXINALOSA E XENIALOSA novela que a todas nos engaiolou.

 Namoramos da protagonista "Charlotte", unha nena de case sete anos (2427 días) e da súa ollada ao mundo, cunha mirada limpa  "eu guíome polo corazón" , sen prexuízos.

 Namoramos das ilustracións de Clara Encinas, da traducción de Tamara Andrés, e da edición tan fermosa editada por Kalandraka.

Charlotte, como narradora, condúcenos pola súa evolución vital (Pallasa, Meiga, Frigo, Flor de Illa ao sol) e polas cousas que lle gusta facer como inventar palabras, abrazar ao seu irmán, apañar pensamentos bonitos... para darnos a coñecer a súa crúa realidade.

 Achegámonos, coa súa ollada, a temas como a importancia da familia, a solidariedade, a multicultuiralidade, a tolerancia, a descuberta da tristeza e da "ausencia".

Sen dúbida, unha novela tenra e fermosa que recomendamos.

Moitísimas grazas, Consu, por compartir o teu tempo con nós e as túas palabras. Foi unha xornada enriquecedora e gratificante.

5ª LECTURA

Este venres, tivemos a última xuntanza do Club de Adultos deste curso escolar, na zona verde da biblioteca-pois a tarde  estaba espectacular- compartimos as nosa opinións e sensacións tras a lectura do libro de Jesús Carrasco "Intemperie", novela publicada no 2013 que obtivo moitos galardóns, entre outros Premio do Gremio de Libreros de Madrid. Adaptada ao cine por Benito Zambrano (2017), obtivo dous Goyas: Mellor guión adaptado e Mellor canción orixinal. Rematamos a xuntanza cantado o retrouso da  canción de Aute: 

" ... cine, cine, cine, cine, más cine por favor, que todo en la vida es cine y los sueños cine son.."

Ademais da xuntanza, como colofón, achegámonos ao cine para ver a película sobre Castelao "Antes de Nós".

Quedamos emprazadas para o vindeiro curso á volta das vacacións, coa lectura de dous libros con adapatación cinematográfica, xa como remate do proxecto "Luces, cámara , diversión". 

                

Desde aquí, reiterar o meu agradecemento a todas polo compromiso, entusiasmo, apoio e colaboración para que este proxecto fora posible. Un verdadeiro pracer, Vémonos pronto!!

                                  Playlist do Club 2024/25 

1ª  Xuntanza: "Cinema paradiso"

2ª  Xuntanza: "A trenza "

3ª Xuntanza:"A SOCIEDADE LITERARIA E DO PASTEL DE PATACA DE GUERNSEY". 

4ª  Xuntanza:  "El olvido que seremos "

5ª  Xuntanza: "Charlotte"

6ª  Xuntanza:"Intemperie"

E como despedida Cine, cine

 A LECTURA ÚNENOS, GRAZAS POR COMPARTIR!!!!