Semana do "Samaín" e Magosto!!!

Despois dunha ponte de descanso, voltamos ao cole cunha semana chea de actividades arredor do Samaín.

Recunchos con lecturas polos corredores:

Obradoiros con luz negra, na hora de biblioteca, con todas as titorías. Deixamos algunhas mostras dos fantásticos murais que fixeron os nosos e nosas artistas:

 

Animacións terroríficas na Hora de Ler, na biblioteca, desenvolvidas polos Voluntarios Lectores e polas titorías de 1º e 2º de primaria:

 -Conto "La casa encantada", un conto de Kazuno Kohara para ler na oscuridade (Grupo de Voluntarias Lectoras de 6º de primaria).

                           

-Os nenos e nenas de 1º de primaria adaptaron o conto de "Corre, corre cabaciña" e contáronnolo cun teatro de sombras.

Deixámosvos o video da representación:

O alumnado de 2º de primaria asombráronnos cun "Conxuro Vexetal". Velaí o tedes!

                                        

  Dramatización do conto "A pantasma das bragas rotas" para todo o alumnado e profesorado do colexio ( Grupo de Volutarias da biblioteca de 6º de primaria).

Como decorados utilizaron os murais feitos polas distintas titorias, ollade que bonita quedou a nosa

 biblio! 

                              

As artistas de 6º de primaria!

                                       

                                       Exposición de cabazas no corredor da biblioteca!!!

Deixámosvos o video con todas elas:

FANTÁSTICAS!!!

Como remate da semana, e a modo de fin de festa celebramos O Magosto. Unha xornada na que comemos castañas asadas, riquísimas!, bailamos "Un poco loco" da película COCO e, finalmente,  dirixidos pols nenos e nenas de 6º curso fixemos xogos, que debido á choiva tivemos que realizar nos espazos cubertos do cole. A pesar diso pasámolo moi ben!!!

MOITÍSIMAS GRAZAS A TODOS E TODAS !!!

As árbores autóctonas e a biodiversidade

 O pasado 25 de outubro Marcos, educador ambiental contratado polo Concello de Pontevedra, deulle unha charla aos nenos e nenas de º de primaria sobre a perda da biodiversidade que se está a producir por plantar nos nosos montes cada vez máis eucaliptos e pinos. Por outro lado,  fíxonos ver a importancia de plantar árbores autóctonas como bidueiros, castiñeiros, carballos, sabugueiros ...para recuperar o ecosistema.

Seguindo o consello de Marcos e, dentro do proxecto Voz Natura do centro, o alumnado de infantil plantará no patio do colexio un carballo . Unha pequena achega  para contribuir á recuperación da nosa biodiversidade.

Unha charla, sen dúbida, moi interesante. Grazas Marcos!! 

PRESENTACIÓN DO BLOG

O equipo de Voluntarios da Biblioteca foron polas titorías para presentarlle a todo o alumnado o Blog da Biblioteca e de Dinamización da Lingua galega que este curso volvemos a pór en marcha.

     MOITÍSIMAS GRAZAS !!!

"DÍA DAS BIBLIOTECAS"

Con moita ilusión e alegría abrimos a BIBLIOTECA do cole. Todos e todas agardabamos espectantes o día de hoxe! 

Por grupos, fomos entrando e alí estaba "Landriña" para agasallarnos cunha sorpresa tras outra. A primeira foi o videomontaxe cos nosos fotogramas, onde todos e todas somos protagonistas.

 Depois tivemos o privilexio, por xentileza da ANPA , de ser os primeiros en ver as dúas curtas que o alumnado de 5º e 6º realizaron no cole. Curtas que poñeremos neste blog cando se faga a estrea oficial, que terá lugar na Cultural de Marcón o 30 de Novembro.

E como remate da xornada, e non menos ilusionante, cada clase levou a súa MOCHILA VIAXEIRA, e o alumnado novo no centro o seu carné de usuario.

 

 UNHA XORNADA FANTÁSTICA !!!

OS NOSOS AGRADECEMENTOS Á ANPA POR CEDERNOS AS CURTAS  E FELICITAR A TODO O ALUMNADO DE 5º E 6º DE PRIMARIA POLO TRABALLO TAN BEN FEITO. 

   PARABÉNS!!!

RODAMOS!!

 Comezou un novo curso e con el unha nova "rodaxe". Baixo o título de "LUCES, CÁMARA, DIVERSIÓN" desenvolveremos un novo proxecto de centro ao longo de todo o ano. Un proxecto que pouco a pouco vai tomando forma.

Con entradas de cine e música da BSO de "Carros de fuego" a alfombra vermella recibiu a todo o alumnado e profesorado do cole.

 O colexio, pouco a pouco,  vaise vestindo de cine onde todos e todas somos os protagonistas.

 Os obradoiros dos mércores xa arrancaron.

 

 Os nenos e nenas de 5º e 6º de Primaria crearon dúas curtametraxes sobre a igualdade, da man do Equipo técnico do FIC de Bueu. Unha actividade facilitada pola Anpa e que a todos e todas nos encanta!    

 

                            

          

Esperamos a súa estrea con moitísima espectación !!