Festa de Nadal 2025

Hoxe celebramos a Festa de Nadal , unha xornada chea de ilusión, música e  tradición.

A  celebración comezou coas badaladas, que marcaron simbólicamente a chegada do Nadal. Cos vasos de gusanitos, alumnado e profesorado participamos con entusiasmo, dese momento tan esperado. Despois  chegou o momento máis saboroso da mañá: a merenda  de Nadal que todos e todas desfrutamos e compartimos no patio, nun día que o tempo nos acompañou cun sol espléndido.

A continuación , no ximnasio, recibimos con entusiasmo a visita dos Reis Magos, que nos acompañaron no concerto de panxoliñas que todo o alumnado cantou con verdadeiro entusiasmo e ledicia.

Finalmente, un por un fomos saudando ás súas Maxestades, e deixando as  cartas  no buzón coas nosas peticións. Os Reis Magos obsequiaron  a todo o alumnado cun agasallo.

Grazas a todo o alumnado, profesorado, familias  e ANPA por facer posible un día tan especial e fermoso.

BO NADAL E FELICES FESTAS A TODOS E TODAS!!!!

Tempo de Nadal

 Achégase o Nadal e o colexio engalánase para celebralo. Mírade que fermoso loce: Ríos con mensaxes para o novo ano, luces que nos alumean, elfos que fan trasnadas, o Belén na entrada, a árbore de Nadal con cancións favoritas... e o cartaz da nosa FESTA !!!

                

         

            

Só quedan unhas horas para o gran día !!!

Recomendacións lectoras para o Nadal !!

 Neste Nadal, un libro é a mellor melodía !!!

LER É POÑERLLE MÚSICA Á IMAXINACIÓN!

Cantamos panxoliñas

O Nadal soa a música!!! 

 Cantando xuntos celebramos a tradición, a festa e a ilusión destes días tan especiais. 

Deixámosvos estas dúas panxoliñas que imos cantar na festa do colexio para que as cantedes con moita alegría e compartades cos vosos familiares.

Anímate e canta moito por Nadal !!!

Somos noticia con Voz Natura

 O CEIP de Marcón entre os centros destacados polo seu traballo e implicación no Programa Voz Narura.

Deixamos o enlace á noticia , fai click na imaxe: 

                           PARABÉNS!!!!

Remata o outono!!!

Os nenos e nanas de 5º de infantil exploran medidas e tamaños no remate do outono. Ollade que maravilla!!!

                                                     

 Neste caso, vale máis unha imaxe que mil palabras . Parabéns !!!

Visita a Radio Pontevedra

O pasado 4 de novembro, o alumnado de 3º e 5º de primaria visitaron as instalacións de Radio Pontevedra. Alí, amosáronlles as diferentes seccións onde se preparan as novas que logo serán emitidas: a redacción, as cabinas de control de son, a sala de conexión e o estudio de radio. 

Os xornalistas aprendéronlles técnicas de respiración para facer un bo uso da súa voz e como colocarse correctamente diante do micrófono. Gravaron cuñas publicitarias que resultaron moi divertidas. Cando comezou o programa en directo "Hoy por hoy Pontevedra" o alumnado que quixo participou lendo os teléfonos  para chamar e facendo preguntas na entrevista do doutor Pedro Cabrera. Gozaron moito e quedaron con moi bo sabor de boca.

A quen lle interese escoitar a gravación  pode facelo entrando en Radio Pontevedra no podcast "Hoy por hoy Pontevedra".

Semella que en Marcón hai madeira de reporteiros!!!

              

                         

Grazas a Radio Pontevedra por recibirnos con tanto agarimo!

Gravación para o RockLab

 Hoxe o alumnado de 3º, 4º e 6º de primaria estiveron gravando sons con instrumentos feitos por eles para despois convertilo nun instrumento virtual e participar no Salón do Libro.

O Rocklab é unha actividade promovida polo Concello para fomentar a creación musical enmarcada dentro da programación cultural do Salón do Libro.

       

       

    


        

            

UNHA ACTIVIDADE CHULÍSIMA!!!

Moitísimas grazas a Gonzalo e Alex de Estudo Bonobo por achegarse ata o noso colexio e facer que esta actividade fora posible.

 Quedamos espectantes ao Salón do Libro para ver os resultados!!!

Obradoiro de "FLASH BALL"

 Esta semana, nenos e nenas de 6º de primaria impartiron un obradoiro de "Flash Ball" para o alumnado de primaria. O xogo consiste en que o balón toque un punto determinado . Xógase con varios balóns á vez.

                                            

   Un obradoiro no que o alumnado desfrutou moito. Grazas por compartir.                                                   

TODA PERSOA É MÚSICA: "Día das persoas con Discapacidade"

 Hoxe , 3 de decembro, é o Día das persoas con Discapacidade", proclamado pola ONU en 1992, co obxectivo de promover os dereitos e benestar das persoas con discapacidade en tódolos ámbitos da sociedade, e concienciar sobre a súa realidade e iclusión. Baixo o lema "Toda persoa é música" reivindicamos que cada individuo achega un son único , valioso e necesario. Porque cando respectamos e apoiamos a diversidade, a sociedade soa moito mellor.

Nestes códigos podedes escoitar a nosa playlist de inclusión:

A DIVERSIDADE É A MELLOR BANDA SONORA DA SOCIEDADE

Novembro "Mes da ciencia": Curiosidades científicas!

No cole, novembro é un mes para investigar, preguntar e sorprendernos. É o "Mes  da ciencia!!

Este curso, grazas á nosa Radio Escolar, celebrámolo a través de podcast  científicos protagonizados polo noso alumnado. Nestes episodios descubrimos que a ciencia nace das preguntas máis sinxelas...e tamén das máis atrevidas.

 2º de primaria; "Curiosidades de animais"

4º de primaria: "Curiosidades de países"

6º de primaria: "Curiosidades musicales"

1º de primaria. "Curiosidades sobre o corpo humano"

Seguide moi atentos a esta entrada porque aínda haberá máis podcast!!!!!

A curiosidade é o motor da ciencia.

 Grazas a todos e todas polos fantásticos podcast!

Concertos na Biblioteca!

Comenzamos unha nova actividade que iremos desenvolvendo ao longo do curso na biblioteca : "Concertos na biblioteca".Unha actividade na que o noso alumnado poderá desfrutar de música interpretada por nenos e nenas do colexio.

Nesta ocasión, foron Beltrán  de 4º de primaria quen interpretou co teclado dúas breves pezas e Nadia, Micaela (5º de primaria) e Emma (6º de primaria) que tocaron o violín. primeiro individualmente e despois a tres voces.

  

                                                                                        

            

    

MOITÍSIMAS GRAZAS, UN PRACER ESCOITARVOS!!!