Curtas sobre a igualdade

Os nenos e nenas de 5º e 6 º de primaria  realizaron unhas curtas sobre igualdade, en colaboración coa ANPA e FICBUEU, que todas e todos podedes ver no Salón do libro.                                  

 Aquí os deixamos:

Os nosos agradecementos a ANPA pola colaboración e a cesión das curtas. Moitísimas grazas!!

Cine Solidario

 O alumnado de 3º e 4º de primaria organizou unha actividade moi especial: un Cine Solidario para as familias!

Con moita ilusión, prepararon todo o necesario para que a xornada fose un éxito. Desde a creación das entradas, a selección da comida ata a presentación do evento, cada detalle foi coidado por eles.

Despois da curta proxectada "Snack attack", escollida por eles, organizaron mesas de debate para que as familias poidesen compartir as súas opinións e reflexionar sobre o visto.

E como sorpresa final, as mestras decidiron agasallar aos nenos e nenas cunha  proxección : a estrea da curta "A todo Gas", que gravaron no colexio con David Amor. Foi un momento máxico que quedará na memoria de todos e todas!

Agradecemos a todas as  persoas que participaron e colaboraron para que esta actividade fose posible.

Un día cheo de risas, aprendizaxes e moita solidariedade! 

 

                          

                                                                                                                                 

      

         

                  Deixámosvos a curta "A todo gas"

  
UNHA EXPERIENCIA  MOI ENRIQUECEDORA. GRAZAS !!

Manual para ser poeta

 Os nenos e nenas de 5º de primaria  agasállannos un poema.

                               GRAZAS POR COMPARTIR!

CHARLA SOBRE NUTRICIÓN E DEPORTE

Hoxe o alumnado de 3º e 4º de primaria asistiron a unha charla sobre nutrición e deporte na biblioteca impartida pola S.D Teucro.

Nela destacouse a importancia para a saúde de alimentarnos ben e facer deporte.

    MOITAS GRAZAS POR ESTA CHARLA TAN INTERESANTE. TOMAMOS NOTA! 

Curtas sobre hábitos sostibles.

O alumnado de 3º de primaria realizaron tres curtas en  Proxecto Competencial sobre o problema da auga, a deforestación e o plástico.

Como hábitos sostibles traballaron: a importancia de non malgastar a auga, plantar unha árbore ou varias por aquelas que talamos e coidar os xoguetes para que poidan ser utilizados por outras persoas en lugar de tiralos.

Deixámosvos o seu traballo:

                                                                       

GRAZAS POR COMPARTIR!!

 

MULLERES DE CINE

Unindo o 8M e o cine, ao longo deste mes de marzo propoñemos un concurso sobre "Mulleres de cine", mulleres que foron pioneiras e que son referentes na historia do cinema. A exposición está polos corredores ou tamén nuns libriños que están a disposición na biblioteca para poder investigar nas aulas.

Deixamos o video con todas elas:

En cada clase o alumnado terá que investigar sobre cada unha das mulleres propostas e cubrir un cuestionario para despois responder ás preguntas que lle farán os Voluntarios/as de Biblioteca. 

             ANIMÁDEVOS A PARTICIPAR!!!

"DÍA DA POESÍA"

 Hoxe, 21 de marzo, celebramos o "Día mundial da poesía" con diferentes actividades.

Na biblioteca, un grupo do Voluntariado lector de 6º de primaria dramatizaron o conto "Frederick", o rato poeta, para todo o alumnado do colexio. Un conto que nos encanta e que temos na nosa biblioteca.

Despois, os nenos e nenas de 3º,4º,5º e 6º de primaria viron uns fragmentos da película "El tigre y la nieve" onde o protagonista fala 
de que a poesía está en todas partes e da importancia das palabras.

Deixámosvos o vídeo:

Ademais, recunchos de poesía con lecturas e poemas para que todos e todas gocemos da poesía.

    FELIZ DÍA!!!!

Visita de "ORBIL" ao colexio!!

 Este venres tivemos unha sorpresa na biblioteca, a visita de "ORBIL", mascota dado Salón do libro de Pontevedra que está a piques de comezar .

Todos os nenos e nenas o recibiron con gran alegría e cariño. ORBIL anímounos a todos e todas a visitar o Salón, que este ano está adicado ao CINEMA.

Enlace do programa .https://www.salondolibro.gal/programa-eventos/

                         

  GRAZAS ORBIL, GOZAMOS MOITO DA TÚA VISITA! 

1º PREMIO ERNESTINA OTERO!!

Onte, 12 de marzo, o CEIP de Marcón recibiu o 1º Premio Ernestina Otero do Concello de Pontevedra.

Para a participación presentamos dúas curtas tituladas "O fútbol é para todos e todas" e "Catro lobos e unha ovella" realizados polo alumnado de 5º e 6º de primaria o curso pasado sobre igualdade e acoso escolar, coa colaboración da ANPA e do FICBUEU.

O acto tivo lugar no Teatro Principal da man da Concelleira de Igualdade, Anabel Gulías. Nel destacouse que o obxectivo do Concello coa celebración destes premios é "poñer en valor proxectos innovadores e relevantes na incorporación da perspectivade de xénero nos centros educativos non universitarios de Pontevedra".

Do noso proxecto destacaron"a alta colaboración coa ANPA e a difusión do proxecto na parroquia, así coma a posta en valor da riqueza da lingua oral con perspectiva de xénero na comunicación"

                           

Se queredes ler a noticia no Diario e en Pontevedraviva aquí vos deixamos os enlaces: https://www.diariodepontevedra.es/gl/articulo/pontevedra/ceip-marcon-sagrado-praceres-ies-luis-seoane-ganan-premios-ernestina-otero/202503121401001380

https://www.pontevedraviva.com/gl/cultura/marcon-sagrado-corazon-praceres-luis-seoane-ganadores-ernestina-otero_504447_102.html

SENTÍMONOS MOI ORGULLOSOS E ORGULLOSAS DO VOSO TRABALLO!!                 PARABÉNS !!

 

Concurso de Fotografía: Que é para ti a igualdade ?

Para festexar a concesión do 1º  premio Ernestina Otero, do Concello de Pontevedra, polo noso traballo a favor da igualdade entre homes e mulleres, propoñemos un concurso de fotografía.

Desde hoxe ata o 28 de marzo de 2025 todo o alumnado do centro poderá presentar dúas fotografías, en formato jpg e orientación vertical, que reflictan o que é a igualdade para eles (non poden aparecer persoas identificables nin ser alteradas electronicamente).

As fotografías enviaranse ao correo edlgmarcon@gmail.com

indicando o nome e apelidos do alumno/a, curso, correo electrónico e teléfono do pai/nai.

Haberá catro premios, un por ciclo, que consisten nun vale regalo de 20 euros na librería Seijas.

O obxectivo fundamental do concurso é facer reflexionar ao alumnado mediante a imaxe do que significa a igualdade, fomentar a creatividade e o pensamento crítico e analizar a percepción do alumnado da situación das mulleres e os homes na sociedade.

Así, queremos promover a visibilización de todos os modelos de familia e a igualdade en todos os ámbitos.

    ANÍMATE E PARTICIPA!!!!!

Concerto da "Sinfónica de Pontevedra"

Hoxe, parte do alumnado de infantil e primaria, achegámomos ata o Pazo da Cultura para presenciar o concerto didáctico que nos ofreceu a Orquestra Sinfónica de Pontevedra.

Un concerto cheo de máxia inspirado na historia das irmás Touza. Tres irmás que, en tempos da Segunda Guerra Mundial, axudaron a moitas persoas xudías,perseguidas polos nazis, a escapar a Portugal desde Ribadavia.

  
   
                        

                               GUSTOUNOS MOITO!!!

8M "Día da Muller"

Cada 8 de marzo  conmemoramos o Día da muller , unha xornada para reivindicar a igualdade.

Visualizamos "Eu vou comigo", unha curtametraxe de Abano Producións SL dirixida por Chelo Loureiro, que busca que se traballe a autoestima e o autoconcepto positivo co alumnado de educación infantil e primaria. Foi seleccionada para a proxección en multitude de festivais de cine españois e estranxeiros e recibiu varios premios internacionais.

Podedes visionalo no seguinte enlace : 

 https://vimeo.com/1056085326?share=copy 

 Contrasinal: Igu4ldade.2025

                                                 

   Exposición de bibliografía sobre mulleres nos corredores:

         

"A IGUALDADE FAINOS MÁIS LIBRES"

Contacontos con Paco Nogueiras!

Este venres, grazas á editorial Kalandraka, o alumnado de infantil, 1º e 2º de primaria gozaron dunha animada sesión de contacontos con Paco Nogueiras acompañada de música e moito ritmo.

Paco agasallounos cos contos : "Violín", "Polo mar salgado", "Cinco ratiños", "Tarde de sapo" , "Bim Bam Bum" e "Un, dous , tres que ves?".

Foi un verdadeiro pracer!! 

MOITÍSIMAS GRAZAS!!